- Tíðindi, mentan og ítróttur
Byrgingin kann nú gerast liðug
Byrgingin kann nú gerast liðug
Arbeiðið at gera byrgingina um Haraldssund lidna er klárt at bjóða út, sigur Henrik Old, landsstýrismaður í samferðslumálum
Arbeiðið at gera byrgingina um Haraldssund lidna er nú klárt at bjóða út, so byrgingin kann gerast liðug, sigur landsstýrismaðurin í samferðslumálum í svari til tingmann hjá Javnaðarflokkinum
01.04.2016 - 08:29
Tað stendur í svari til skrivligan fyrispurning frá Jónleifi Johannesen, tingmann hjá Javnaðarflokkinum. Byrgingin um Haraldssund varð gjørd í 1986, men hon er ongantíð gjørd liðug.
Ætlanin var upprunaliga at gera eina byrging við eini brúgv og siglingarrennu, so bátar kundu sigla gjøgnum sundið. Men talan verður ikki um at gera brúgv og siglingarrennu, kemur fram í svarinum.
Tað er avgjørt í samráði við lokalu myndugleikarnar, tí ein siglingarrenna hevur lítlan týdning fyri útróður og streymviðurskifti á staðnum, sigur Henrik Old, í svarinum.
Byrgingin verður eftir ætlan broytt nakað. Landsverk hevur í samferðsluætlanini 2012-2024 mælt til, at arbeiðið verður gjørt beinanvegin, verður sagt í svarinum.
Er kopiera
Nýggjastu sendingar í ÚV
Nýggjastu sendingar í SV
