- Tíðindi, mentan og ítróttur
Rigga kanska av í Norðsjónum
Rigga kanska av í Norðsjónum
AP Møller-Maersk umhugsar at gevast við gassframleiðslu í danska partinum av Norðsjónum, boðar felagið frá í tíðindaskrivi
Maersk Oil Denmark umhugsar at gevast við gassframleiðsluni í danska partinum av Norðsjónum. Tað er blivið ov dýrt at taka gassið upp úr undirgrundini
04.04.2016 - 10:27
- Vit eru í ferð við at endurskoða, hvussu burðardygg framleiðslan er, skrivar Martin Rune Pedersen, stjóri í Maersk Oil Denmark í fráboðanini.
Talan er um størsta gassøki í danska partinum av Norðsjónum, Tyra-eystur og Tyra-vestur. 90 prosent av donsku gassframleiðsluni kemur haðani.
Tað er vorðið ov dýrt at taka gassið upp úr undirgrundini, og infrakervið uttan um økini er sambært serfrøðingum eisini gamalt.
Maersk Oil Denmark noyðist at gera íløgur fyri umleið 30 milliardir krónur, um framleiðslan skal kunna halda fram og verða fíggjarliga burðardygg, siga serfrøðingar, sum finans.dk hevur tosað við.
Er kopiera
Nýggjastu sendingar í ÚV
Nýggjastu sendingar í SV
