Eik-keypið dregur út

Eik-keypið dregur út
Ætlanin hjá løgtinginum at keypa bygningin hjá Eik Banka í miðbýnum í Havn dregur út.
 
09.04.2016 - 10:01

Páll á Reynatúgvu, løgtingsformaður, váttar, at tað hevur tikið longri tíð enn væntað at avgreiða málið.

Ætlanin var, at løgtingið skuldi flyta av Gamla apoteki, har flokkarnir hava skrivstovur, í Eik bygningin í summar, men tað verður av ongum, sigur Páll á Reynatúgvu. 

Keypið er tó ikki slept, sigur løgtingsformaðurin. Hann væntar tó, at tað í fyrsta lagi verður einaferð í heyst, at løgtingið flytir av Gamla Apoteki í Eeik. 

Beint fyri jól í fjør samtykti løgtingið at keypa Eik-bygningin fyri 26 milliónir krónur og selja Gamla apotek fyri sjey milliónir krónur.  

Tingfólk úr øllum flokkum, teirra millum oll í formansskapinum, og Sonja Jógvansdóttir, uttanflokkatingkvinna, løgdu fram uppskot um eykajáttanarlóg, sum fekk 27 atkvøður. Tríggjar atkvøður vóru ímóti uppskotinum. 

Eik ætlar at savna øll síni starvsfólk við høvuðssæti úti við Strond, men um- og útbyggingar hava seinkað teirri ætlanini. Eitt nú verður bíðað eftir neyðugum byggiloyvum.  

 

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Guðstænasta út Gøtu kirkju
216780
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Nýggjastu sendingar í SV
Sunnudag 22. november
Andaktin
216792
Sunnudag 22. november
Guðstænasta úr Gøtu kirkju
216793
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688