Nú byrjar arbeiðið at gera smoltstøðina

Í morgin byrjar arbeiðið at gera størstu, einstøku verkætlanina í Klaksvík, tá byrjað verður at grava út til nýggju smoltstøðina hjá Bakkafrosti, skrivar nordlysid.fo

- Samstundis sum vit fáa stóru vinnulívsíløguna á Strond, kunnu vit nú veruliga fáa gongd á ídnaðarøkið á Borðoyavík, sigur Óluva Klettskarð, forkvinna í Havna- og Vinnunevndini, við Norðlýsið.

SÍ EISINI Stór íløga í Klaksvík

Økið er 70.000 fermetrar og smoltstøðin hjá Bakkafrosti kemur at brúka ein stóran part av hesum økinum. 20 fólk fara at starvast á smoltstøðini tá hon er liðug.

Nýggja smoltstøðin, sum Bakkafrost fer at gera við grótbrotið á Strond, er størsta íløgan nakrantíð hjá Klaksvíkar Kommunu.