- Tíðindi, mentan og ítróttur
Mæla frá at samtykkja uppskot
Mæla frá at samtykkja uppskot
Rættarnevndin heldur ikki, at Løgtingið skal samtykkja eitt uppskot hjá Miðflokkinum um at broyta Barsilsskipanina
Foreldur, sum hava rætt til minni enn 50.000 krónur úr Barsilsskipanini, eiga at kunna fáa útgjaldið í einum, heldur Miðflokkurin. Rættarnevndin hjá Løgtinginum heldur ikki, Barsilsskipanin eigur at verða broytt
18.04.2016 - 15:27
Ein samd rættarnevnd mælir Løgtinginum frá at samtykkja uppskotið frá Miðflokkinum, um at lata foreldrum 50.000 krónur í útgjaldi, hava tey rætt til minni enn hesa upphædd í sambandi við barnsburð.
Rættarnevndin vísir á, at barsilsskipanin er ein arbeiðsmarknaðarskipan, sum partarnir á arbeiðsmarknaðinum fíggja, og hevur bara til endamáls at tryggja løntakarar ímóti lønarmissi í sambandi við barnsburðarfarloyvi.
Foreldur, sum tjena so lítið, at tey ikki røkka upp á 50.000 krónur til samans í barsilsútgjaldi, eru ella eiga at vera undir øðrum skipanum.
Til dømis forsorgarlógini ella aðrari stuðulsskipan, sigur ein samd rættarnevnd, sum mælir tinginum frá at samtykkja uppskotið.
Er kopiera
Nýggjastu sendingar í ÚV
Nýggjastu sendingar í SV
