Nú verður revsingin strikað

Í morgin fer løgtingið at strika revsingina fyri ikki at rópa grindaboð.

Ein samd Vinnunevnd tekur undir við uppskotinum hjá Høgna Hoydal, landsstýrismanni, um at strika revsingina fyri ikki at boða frá grind.  

Men fráboðanarskyldan fer at standa við.

Løgtingið fer at atkvøða um uppskotið í morgin. Og tá verður nýggja grindalógin, sum kom í fjør, enn eina ferð broytt.

Ásetingin um revsing fyri at bróta fráboðanarskylduna verður strikað.

Ferðavinnan finst at

Hóast ferðavinnan hevur funnist at fráboðanarskylduni, -  at øll hava skyldu at boða frá grind, so heldur Fiskimálaráðið, at neyðugt er at halda fast um fráboðanarskylduna.

Frá 1986 til í fjør, tá nýggja grindalógin kom, var ikki revsivert at bróta fráboðanarskylduna - ikki at siga frá, tá fólk síggja grind.

Grindalógin, sum kom í fjør, varð eisini broytt tríggjar ferðir í fjør.