Tóku av dýrasta tilboðnum upp á innbúgv

Tóku av dýrasta tilboðnum upp á innbúgv
Sirið Stenberg, landsstýriskvinna, hevur svarað fyrispurningi frá Jørgeni Niclasen um innbúgv til Heilsu- og innlendismálaráðið
 
21.04.2016 - 09:21

Hóast tað var hægsta boðið, tók Heilsu- og innlendismálaráðið av tiboðnum frá Stockholm upp á innbúgv til fundarhøli.

Tilboðið hjá Stockholm er 57.500 kr. hægri enn lægsta tilboðið og slakar 30.000 kr. hægri enn næsta hægsta tilboðið. 

Stockholm sleppur eisini at selja Heilsu- og innlendismálaráðnum skrivstovuinnbúgv. 

Her hevur Stockholm lægsta tilboðið, sum er 22.800 kr. lægri enn næst lægsta tilboðið.

Prísurin ongan týdning

Sambært Jørgeni Niclasen, løgtingsmanni, sum spurdi Sirið Stenberg, landsstýriskvinnu, um innbúgvskeypið, hevur prísur ongan týdning í Heilsu- og innlendismálaráðnum. 

Framferðarhátturin er løgin, sigur Jørgen Niclasen. 

Bara nøkur útvald sluppu at bjóða. Innkeypsportalurin varð ikki brúktur, og tikið varð ikki av lægsta boðnum, hóast boðið var út av nýggjum, tí prísurin skuldi vekta meira.

Ikki bjóðast út

Sirið Stenberg svarar, at sambært rundskrivi um Keypsportalin skulu keyp minni enn 800.000 kr. ikki bjóðast út alment. Heilsu- og innlendismálaráðið bað um tilboð frá fýra fyritøkum. 

Samanumtikið hevði Stocholm besta tilboðið, tá alt verður tikið við, prísur, snið, funksjón og góðska. Serliga er hetta eyðsæð í sambandi við innbúgvið til fundarhølið, stendur í svarinum hjá Sirið Stenberg.

Her hevði Stockholm hægsta tilboðið. 

Heilsu- og innlendismálaráðið legði dent á lutfallið millum góðsku og kostnað, bíligasta tilboðið var ikki avgerandi, verður sagt í svarinum til Jørgen Niclasen. 

Er kopiera
Nýggjastu sendingar í ÚV
Hósdag 29. mai
Guðstænasta úr Eiðis kirkju
192550
Hósdag 29. mai
Morgunlestur hósdagur 29.mai 2025
192275
Mikudag 28. mai
Orðaval #22: Fólkanøvn
192492
Mikudag 28. mai
Morgunlestur mikudagur 28.mai 2025
192274
Nýggjastu sendingar í SV
Hósdag 29. mai
Andakt við Pól Johannesen
192558
Hósdag 29. mai
Guðstænasta
192567
Hósdag 29. mai
Guðstænasta úr Eiðis kirkju
192552
Mikudag 28. mai
Ein dagur í Nuuk - teknmálstulkað
192506
Mikudag 28. mai
Dagur og vika - teknmálstulkað
192491