Merkja aldan laks í Noregi

Forkvinnan í felagnum hjá teimum, sum røkja norsku áirnar, Ragnhild Brennslett, sigur, at stjórnin nú má taka sær um reiggj, tí verandi gongd kann ikki halda fram, sigur hon.

Aldi laksurin er ein stór plága fyri villa laksin, og nú er meir av aldum laksi í tveimum av trimum áum ella fossum, sigur Ragnhild Brennslett sambært vest24.no

Felagið krevur, at allur aldur laksur skal merkjast, so teir kunnu takast so skjótt, sum teir koma í áirnar, og latast alibrúkinum aftur. Tað ber væl til at merkja laksin, sigur felagið.

Norsku myndugleikanir siga seg arbeiða við málinum, og at ein avgerð um at merkja alda laksin verður tikin seinni í ár.