Hevur fund við báðar partar í dag

Semingsroyndin í sáttmálatrætuni millum Lønardeildina og Felagið Føroyskir sjúkrarøktarfrøðingar heldur fram.

Nú klokkan klokkan 13 fer Semingsstovnurin at hava fund við báðar partar. 

Terje Sigurðsson, semingsmaður, torir ikki at meta, hvussu leingi hann fer at sita við pørtunum í dag.

Tað vóru sjúkrarøktarfrøðingarnir, sum sendu boð eftir Semingsstovninum.

Partarnir vóru annars til reiðar at skriva nýggjan sáttmála, men ein óloystur spurningur var kortini eftir. Hann gjørdi, at felagið hjá sjúkrarøktarfrøðingunum kundi ikki skriva undir.

Óloysti spurningurin er um lønina hjá einum serligum bólki av sjúkrarøktarfrøðingum.

Semingsstovnurin hevur havt fund við partarnar hvør sær, men nú eru bæði Lønardeildin og sjúkrarøktarfrøðingarnir boðsend at koma á fund í senn. Fundurin verður klokkan 13.