Dálkaður fuglur steingir Tinganes

Talan er ikki um oljudálking, men um eitthvørt lívrunnið evni, kanska lýsi. Fólk frá sløkkiliðinum í Havn, Umhvørvisstovuni og ein fuglafrøðingur hava verið á Tinganesi

Men enn er ikki staðfest, hvat slag av dálking, talan er um. Men tað er ikki olja, sum skilst.

Nesið er avbyrgt fyri at geva dálkaða fuglinum frið at koma fyri seg. Hvussu leingi, Tinganes verður avbyrgt, er ikki avgjørt enn, upplýsir politiið.