Nú kemur menningarætlanin

Tað verður formaðurin í stóra verkætlanarbólkinum, Sveinn Magnússon, sum handar landsstýriskvinnuni í heilsumálum ætlanina.

Bólkurin skuldi millum annað orða eitt tilmæli um, hvørjar grundleggjandi viðgerðir og tænastur skulu vera í føroyska sjúkrahúsverkinum.

Í hesum sambandi skal eisini gerast tilmæli um, hvørjar viðgerðir og tænastur skulu verða á hvørjum sjúkrahúsi, og hvussu tær skulu samskipast millum sjúkrahúsini.

Tað verður eisini mælt til ein leist í royndini at fáa læknar til Føroya at arbeiða sambært tíðindaskrivinum, ið er sent miðlunum.