Leggur seg ikki út í kanning

Leggur seg ikki út í kanning
Poul Michelsen, landsstýrismaður, leggur seg ikki út í kanningina hjá Kappingareftirlitinum um oljufeløgini. Tað sigur hann í svari til tingkvinnu
 
01.07.2016 - 08:12

Hann hevur heldur ongar viðmerkingar um niðurstøðurnar hjá Kappingareftirlitinum. Poul Michelsen hevur svarað spurningum hjá Kristionnu Winther Poulsen, løgtingskvinnu, um kanningina hjá Kappingareftirlitinum.

Hann sigur tó, at størri kapping á oljumarknaðinum kundi verið ein fyrimunur bæði fyri samfelag og brúkara. Poul Michelsen sigur, at Kappingareftirlitið kann ikki áleggja oljufeløgunum skyldur, uttan at bróta kappingarlógina.

Poul Michelsen sigur eisini, at Kappingarráðið hevur avgjørt, at Kappingareftirlitið skal kanna, hvørjir møguleikar eru at geva øðrum javnbjóðis atgongd til heilsøluliðið, tað er, at nýggj oljufeløg kunnu keypa olju úr tangunum hjá Magn ella Effo og síðani selja hana.

Kappingareftirlitið skal fyrst gera sítt arbeiði

Poul Michelsen svarar, at setur Kappingareftirlitið forboð móti kappingaravlagandi avtalum ella ger vart við, at oljufeløgini misnýta ráðandi støðu, fer hann ikki at leggja seg út í tað, tí Kappingareftirlitið er í slíkum førum óheft av landsstýrismanninum.

Talan kann eisini blíva um onnur tiltøk, sum ikki eru grundað á brot á kappingarlógina, men sum krevja politiska støðutakan.

Men samanumtikið hevur landsstýrismaðurin ikki aðrar viðmerkingar, fyrr enn Kappingareftirlitið hevur gjørt sínar kanningar og er liðugt við sítt arbeiði.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470