Val í Avstralia í dag

Val er í Avstralia í dag. Eygleiðarar vænta, at stjórnarberandi konservativi flokkurin fer at vinna ein tepran sigur á arbeiðaraflokkinum, sum hevur sitið í andstøðu seinastu árini. 

Konservativi flokkurin fer kortini at missa fleiri tingsessir og tí kann ein samgonga við smærri flokkar koma uppá tal. 

Valsatríðið hjá konservativa flokkinum hevur fyri tað mesta snúg seg um at tryggja góðu búskapargongdina í Avstralia seinnu árini, og forsætisráðharrin Malcolm Tumbull hevur lovað skattalætta um hann verður afturvaldur. 

Hinvegin hevur formaðurin í Arbeiðaraflokkinum sagt, at hansara fremsta mál er at loyva samkyndum at giftast, um hann sleppur framat valdinum.

Góðar 14 milliónir fólk fara væntandi at greiða atkvøðu á australska valinum í dag.