- Tíðindi, mentan og ítróttur
Vil ikki verða vald
Vil ikki verða vald
Tað er eftur øllum at at døma komið óvart á hjá onkrum at verða komin á nýggja Kommunulistan á Tvøroyri
Barbara Debes Julsgart heitir á veljarar um ikki at velja seg í býráðið. Hon er sett á ein lista, tí tað ikki ber til at nokta at stilla upp til kommunuval
Mynd: Privatmynd
19.10.2016 - 08:56
Eitt av valevnunum á Kommunulistanum á Tvøroyri, Barbara Debes Julsgart, heitir á veljarar um ikki at velja seg í býráðið.
Hon skrivar á Facebook, at hon er sett á listan, tí tað ber ikki til at nokta at stilla upp.
- Men eg havi ongan áhuga at fara upp í kommunalpolitikk á hesum sinni, skrivar Barbara Debes Julsgart á Facebook. Aðrar viðmerkingar hevur hon ikki.
Spurningurin er so, um Kristin Michelsen, eftir at hann varð koyrdur av javnaðarlistanum, hevur havt so stóran skund at stovna ein nýggjan lista til kommunuvalið, at hann hevur ikki havt stundir at spyrja fólk, um tey eru hugað at stilla upp.
Er kopiera
Nýggjastu sendingar í ÚV
Nýggjastu sendingar í SV
