#kv2016: Soleiðis skal atkvøðast

Tað kemur fyri, at veljarar seta annað frámerki á atkvøðuseðilin enn ein kross og hesir atkvøðuseðlar eru í vanda fyri at verða ógildir.

Fyri at binda um heilan fingur sendir Heilsu- og innlendismálaráðið nú út kunning um, hvussu tú setur krossin á kommunuvalinum. 

Á heimasíðuni hjá ráðnum, himr.fo, er vegleiðandi lýsing um, hvussu krossurin skal setast, og hvussu hann ikki skal setast. Verður krossurin ikki settur í ein teig, er vandi fyri, at atkvøðuseðilin verður ógildur. 

Atkvøðuseðlar kunnu ógildast um:

- tað ikki við vissu sæst, hvønn valevnislista veljarin hevur viljað atkvøtt fyri

- atkvøðuseðilin er øðrvísi vorðin enn teir, sum útflýggjaðir eru til atkvøðugreiðsluna

- annað er skrivað á atkvøðuseðilin, enn ein krossur ella valevnisnavn, ella um atkvøðuseðlinum við vilja er givið slíkt eyðkenni, at tað sæst, hvør veljarin er