Raksturin meira enn 100 milliónir í avlopi

Skattaprosentið í Tórshavnar kommunu lækkar 0,75 prosentstig næsta ár.

Skattaprosentið næsta ár verður 19.

Skattalættin kostar kommununi 30 mió. kr.

Tað samtykti býráðið í gjárkvøldið, tá fíggjarætlanin fyri 2017 varð viðgjørd og samtykt.. 

Fíggjarætlanin skal hava eina viðgerð afturat í býráðnum.

Sambært fíggjarætlanini verða inntøkurnar hjá høvuðsstaðnum 868 mió. kr. í 2017.

Raksturin er mettur at kosta 739 milliónir, og aðrar útreiðslur eru 22 milliónir. Íløgur skulu gerast fyri 83 milliónir. 

Úrslitið, tá renturnar eru goldnar, verður 101 millión í avlopi til avdráttir og íløgur. 

Tórshavnar kommuna skal rinda 18 mió. kr í avdráttum í 2017.

Níggju atkvøddu fyri fíggjarætlanini.

Tjóðveldisfólkini í býráðnum og Bogi Andreasen, sum er í meirilutanum, atkvøddu ikki.