Kostnaðurin skjótt greiður

Tað hevur Fíggjarnevndin hjá løgtinginum fingið at vita frá Høgna Hoydal, landsstýrismanni.

Nýtt havrannsóknarskip fyri gamla Magnus Heinason hevur verið leingi á veg. 

Ætlanirnar um at stovna alment partafelag at byggja havrannsóknarskip, ella langtíðarleiga havrannsóknarskip frá privatum veitara eru sleptar.

Liðugt í 2019

Løgtingið hevur samtykt, at landið byggir skipið við íløgujáttan í fíggjarlógini. Skipið má ikki kosta meira enn 215 milliónir krónur, og tað skal verða liðugt í 2019.

Fíggjarnevndin undrast á, at Havstovan í fíggjarlógaruppskotinum fyri 2017 fær somu játtan til Magnus Heinason sum í ár.

Høgni Hoydal svarar, at Havstovan heldur, at játtanin er í lagi. Men skipið er gamalt, og tí kann gerast neyðugt við nógvum pengum til viðlíkahald.