Lítil vøkstur í gistingarhúsvinnuni

Til 1. oktober í ár hevði ferðavinnan í Føroyum 139.400 gistingar, 700 fleiri enn í fjør, upplýsir Hagstova Føroya.

Vøksturin er ikki stórur, hálvt prosent. Men í ár gistu fleiri uttan fyri Suðurstreym, og færri í Suðurstreymi.

Ein fjórðingur føroyingar

Gistingarhúsini í Føroyum hava havt fleiri gistingar í ár. Aðrir hættir at gista eru ikki so nógv brúktir í ár sum í fjør. 

Tølini fyri hús, íbúðir, kamping og ból og bita eru 20 prosent minni í ár. Hagstovan hevur tó ikki tøl fyri gistingarmøguleikan, sum eitur "airbnb."

Hagstovan hevur ikki upplýsingar um hesa gisting. Ein fjórðingur teirra, sum gista í Føroyum, eru føroyingar.