Eik yvirmetir kundarnar

Í fleiri førum er kredittstýringin ikki nóg góð. Ratingin er ov bjartskygd, bankin heldur kundarnar vera fíggjarliga sterkari enn teir eru. 

Umsitingin av yvirtrekki í bankanum er ov trek. Tað sigur Fíggjareftirlitið, sum í august og september hevði eftirlit í Eik banka.

Peningur setast av til tap

Fíggjareftirlitið kannaði 32 stór lán, 220 onnur lán, sum blivu tilvildarliga vald, og øll lán, sum tey í nevndini og stjórnini hava. Fíggjareftirlitið kannaði váðan í 44 prosentum av útlánunum hjá Eik.

Fíggjareftirlitið gav Eik boð um at seta av 5,1 millión krónur afturat móti møguligum tapi. Fíggjareftirlitið heftir seg eisini við, at nógv nýggj fólk eru nú í nevndini. 

Hetta hevur við sær førleikamiss hjá nevndini og krevur meira av nevndarformanninum. Bankin er tí biðin um at endurmeta nevndina.