Metnógvar skaðafráboðanir í 2016

30.12.2016 - 15:30
Aktuelt112
Metnógvar skaðafráboðanir í 2016
Løgreglan hevur fingið óvanliga nógvar fráboðanir um skaðar frá fólki í ár. Bara á jólum vóru til samans 590 fráboðanir
Løgreglan hevur fingið óvanliga nógvar skaðafráboðanir í 2016 í mun til onnur ár sigur løgreglan
 

- Tað hevur verið óvanliga nógv í ár. Tað var bara 22. desember, vit ikki hava fingið nakra skaðafráboðan síðstu dagarnar, sigur Jón Klein Olsen, varapolitiinspektørur.

Sí grafikkirnar í greinini

Telefonirnar á alarmsentralinum hava ikki verið kvirrar í ár - tvørturímóti. Í øllum førum ikki tá talan hevur verið um skaðafráboðanir frá fólki, nú árið er liðugt.

Løgreglan hevur í ár fingið til samans 835 skaðafráboðanir. Tað er væl meira enn tey síðstu árini, sigur Jón Klein Olsen, sum hevur kagað í hagtøl aftur til 2008.

Greinin heldur fram niðanfyri

Síðstu tvær vikurnar hevur tað so at siga verið gerandiskostur, at løgreglan hevur fingið fráboðanir frá fólki, sum hava ringt og boðað frá skaðum í ringa veðrinum.

Tað sæst eisini aftur í hagtølunum hjá løgregluni fyri 2016. Av teimum 835 skaðafráboðanunum, løgreglan hevur fingið í ár, er meginparturin fráboðaður í desember.

Greinin heldur fram niðanfyri

Nógv tann størsti parturin av fráboðanunum í 2016 komu inn í desember. 87,3 prosent av øllum fráboðanum í ár komu í desember, sum tað sæst í grafikkinum omanfyri.

Tá hugt verður nærri at desember mánað sæst eisini, at tað serliga vóru tríggjar dagar um jólini, at løgreglan í Føroyum fekk nógvar skaðafráboðanir frá fólki um landið.

Greinin heldur fram niðanfyri

Bara teir tríggjar jóladagarnar - tollaksmessudag, jólaaftan og jóladag - fekk løgreglan í Føroyum til samans 590 fráboðanir, sum tað sæst í grafikkinum oman fyri her.

Tað er ikki bara hjá løgregluni, at telefonirnar hava gingið heitar í kjalarvørrinum á jólaódnini og ringa veðrinum um høgtíðina. Tað hava telefonirnar eisini gjørt hjá tryggingarfeløgunum.

Týsdagin, tá tey bæði tryggingarfeløgini høvdu svarað telefonunum allan dagin, høvdu Trygd og Tryggingarfelagið Føroyar skrásett umleið 1350 skaðar tilsamans.

Er kopiera
Nýggjastu sendingar í ÚV
Mánadag 6. desember
Við Tórði á túri eftir jólamati
132371
Mánadag 6. desember
Hvar gongur markið?
132367
Mánadag 6. desember
Norðurljóð 6.desember 2021
132261
Mánadag 6. desember
Tekstarar mugu hugsa um málbólkin
132346
Mánadag 6. desember
Góðan morgun Føroyar 06.12.2021
132340
Nýggjastu sendingar í SV
Sunnudag 5. desember
Andaktin
132331
Sunnudag 5. desember
Hvør veit?
132362
Sunnudag 5. desember
Guðstænasta úr Viðareiðis kirkju
132320
Leygardag 4. desember
Fótbóltur: B36 - NSÍ
132308