Vilja raðfesta integratión

Nýggja samgongan í Tórshavnar kommunu fer at raðfesta integratión av útlendingum. Ein integratiónssamskipari verður settur at veita tænastur til tilflytarar, at savna og menna tilboð hjá landi og kommunum.

Sum royndarætlan verður altjóða hús skipað at leiðbeina tilflytarum. Ætlanin er eisini at undirvísing í føroyskum á kvøldskúlum verður ment.

Kommunan ætlar eisini at ganga á odda við at bjóða starvsvenjing til tilflytarar á kommunalum arbeiðsplássum, ið skal virka sum lopfjøl til at hesi kunnu nýta teirra egnu førleikar.