Fara at bjóða á uppboðssøluni

- Er tað tann leisturin, sum politikararnir velja í Føroyum, so ætla vit at vera við at bjóða.

Tað sigur Hans Andrias Kelduberg, stjóri í reiðarínum Thor, tá hann verður spurdur, um Thor ætlar at keypa rættindir til nýggja uppsjóvarskipið Hoyvík á uppboðssøluni í ár.

Hóast Thor ikki heldur, at uppboðssølan er tann besti hátturin at skipa fiskivinnuna eftir, fer Thor at bjóða uppá rættindir í 2017, um tað verður møguligt.

Roknað verður við, at munandi størri mongdir av svartkjaftakvotum verða seldar á uppboðssøluni í 2017. 

Nýggja skipið hjá Thor, Hoyvík, er væl útgjørt til júst hetta slagið av fiskiskapi.