Løgmaður vil hitta íslendska forsætisráðharran

Aksel V. Johannesen, løgmaður, vil fegin hitta nýggja íslendska forsætisráðharran, Bjarna Benediktsson, í vár.

Í brævi til forsætisráðharran, har sum løgmaður ynskir Bjarna Benediktssoni hjartaliga til lukku við nýggja embætinum og góða eydnu við nýggju stjórnini, sigur Aksel V. Johannesen, at hann fer til Íslands flaggdagin 25.apríl.

Um tað liggur fyri, hevði tað glett meg at hitt teg á fundi, meðan eg eri í Íslandi, skrivar løgmaður í brævinum til Bjarna Benediktsson. 

Løgmaður takkar fyri hjálpina, sum sjálvboðin í Íslandi lata føroyingum eftir ódnirnar á jólum.