Umhvørvisstovan bíðar eftir útlendskum boðum

14.01.2017 - 13:33
Aktuelt
Umhvørvisstovan bíðar eftir útlendskum boðum
Her heima verður tað ikki mett vera neyðugt at kanna, um graslíkisvøllir dálka umhvørvi og sjógv.
 

Í grannalondunum kanna tey, hvussu illa graslíkisvøllir dálka umhvørvi og sjógv, men Umhvørvisstovan her hevur higartil onga ábending fingið um, at graslíki er skaðiligt fyri umhvørvi og heilsu. 

"Vit vita ikki, um tað dálkar. Men um vit fáa boð um, at kanningarnar úr grannalondunum vísa, at tað dálkar, so mugu vit taka tað harfrá", sigur Suni Petersen, leiðari á deildini fyri Vernd á Umhvørvisstovuni. 

Í grannalondunum kanna tey, hvussu illa graslíkisvøllir dálka umhvørvi og sjógv.

ES kannar vandan

Illgruni er um, at gummi, sum verður brúkt sum fylla í graslíkisvøllum, dálkar umhvørvi - millum annað um kemikaliu leka úr gummigranu-latinum, teimum smáu gummikúlunum, sum eru í graslíkinum. 

Í Danmark er Umhvørvisstýrið í ferð við at gera nýggja leiðbeining um graslíki. Og ES ger eina frágreiðing um graslíki er ein vandi fyri heilsuna hjá fólki. 

Í Íslandi er gummifyllan í nógvum vøllum skift, tí illgruni var um, at gamla fyllan var heilsuskaðilig. Ikki verður hildið vera ráðiligt at brúka hetta slagið av gummikúlum, har sum børn sparka.

Í Føroyum verða kanningar ikki gjørdar, men Umhvørvisstovan bíðar eftir kanningunum í øðrum londum.

Er kopiera
Nýggjastu sendingar í ÚV
Hósdag 8. desember
LEITISSTEIN 06.12.2022
149084
Mikudag 7. desember
Góðan morgun Føroyar 07. desember 2022
149052
Mikudag 7. desember
Morgunlestur mikudagur 7. desember 2022
148411
Týsdag 6. desember
Framsókn í Tinginum
149004
Nýggjastu sendingar í SV
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753
Mánadag 5. desember
Val kring landið - Setrið í Havn
148951