A-landsliðið í hondbólti framvegis ein møguleika

Tað var greitt eftir, at Grikkaland vann á Kypros í gjárkvøldið. Grikkaland vann dystin 24-17.

Men Føroyar skulu vinna stórsigur á Grikkalandi fyri at kunna spæla seg víðari, tí Føroyar taptu sín fyrra dyst í hesi kappingini fyri Kypros við einum máli í dystinum, sum varð spældur fríggjakvøldið. Tann dystin vann Kypros 20-19. Sostatt er dysturin millum Grikkaland og Føroyar avgerandi fyri, hvat lið spælir seg víðari í hesi innleiðandi EM undankappingini, sum er í Føroyum hetta vikuskiftið.

Føroyar og Grikkaland spæla sín dyst klokkan 16.00 í høllini á Hálsi í Havn í dag. Grikkar skulu bert hava javnleik fyri at spæla seg víðari, meðan kravið hjá føroyingum fyri víðari luttøku er stórsigur á Grikkalandi. Grikkaland var undan kappingini styrkismett sum besta liðið, og sostatt er vónin hjá Føroyum um at spæla seg víðari nakað spinkul, men hon livir enn.

Kringvarpið stroymir dystin beinleiðis á heimasíðuni kvf.fo, og hann byrjar klokkan 16.