Kanna reyðæti nærri

Reyðæti á djúpum vatni í Bankarennuni verður kannað á trimum túrum hjá Magnusi Heimasoni fyri at vita, um reyðæti kann veiðast í vinnuligum nøgdum á heysti og vetri.

Fiskimálaráðið hevur játtað 218.000 krónur í ár og 68.000 krónur næsta ár hesa verkætlan, at kann reyðæti í Bankarennuni.

Tríggir túrar hjá Magnusi Heinasoni eru í ár settir av til at kanna reyðæti, útbreiðslu og nøgd, vestanfyri. Harafturat verður tíð tikin av trimum øðrum túrum til hesar kanningar.

Byrjar túrarnar hesa vikuna

Mikudagin fer Magnus Heinason á sína fyrstu kanningarferð í ár. Á ársins fyrstu ferð eru sum vant hydrografiskar kanningar, har sum hitin, saltið og annað í sjónum verður mátað. 

Ein ætlan er gjørd fyri árið hjá Magnusi Heinasoni. Sambært henni verða 25 kanningarferðir í ár.

Í juni er ein vika sett av til at kanna, hvussu víða um korallir eru. Í oktober eru tvær vikur settar av at kanna svartkalva, útbreiðslu og nøgd hesa tíðina á árinum.