KT-felagið: Arbeiðið má bjóðast út

Tað sigur KT-felagið, sum undrast á, at sagt verður í lógaruppskotinum, at allar menningar- og rakstraruppgávur verða bodnar út í fríari kapping við føroyskar veitarar, og ikki millum føroyskar veitarar. 

Sambært hesum skal tað almenna kappast við vinnuna. Tað er vónandi ein feilur, sigur KT-felagið.

Førleikar mennast í Føroyum

Skal talgildu Føroyar verkætlanin eydnast er altavgerandi, at KT-førleikar verða mentir í Føroyum, sigur felagið. 

Tí eigur lógin bara at loyva tí almenna at fara uttanlands eftir lutum og ráðgeving, tá eingin veitari er í Føroyum

Tað hevur ovurstóran týdning fyri bæði KT-vinnuna, almennar stovnar og ikki minst fyri samfelagið sum heild at varðveita og menna teir førleikar, sum í framtíðini skulu reka talgildu Føroyar, sigur KT-felagið, sum annars tekur undir við at seta lógina um talgildu Føroyar í verk.