Sluppu ikki at landa

Íslendska skipið, Margrét, slapp ikki at landa lodnu í Føroyum. Skipið var á veg til Fuglafjarðar við góðum 1.000 tonsum.

Ætlanin var at landa lodnuna til matna hjá Pelagos. Prísurin fyri fiskin var avtalaður.

Men tá skipið var á veg til Føroya, fekk tað boð um, at tað fekk ikki loyvi at landa í Føroyum, sigur Jóhann Páll Joensen, stjóri á Pelagos.

Íslendsk skip skulu landa lodnuna í Íslandi. Men tey kunnu fáa undantaksloyvi til at landa uttanlands. Íslendingar hava strangar reglur um lodnu.