Køld summarbyrjan, kavi og frost á páskum

Sambært donsku veðurstovuni, DMI, verður kalt, niður um frostmarkið um náttina á páskum og bara upp í 4 til 6 hitastig um dagin.

Vit kunnu vænta okkum ælaveður, vátakava, hegling ella kava.

Men sólin sær eisini millum ælini, treyðugt so.  

Taka vit páskadag, so boðar DMI frá norðri og útnyrðingi, upp í 10 m/sek. Mánanáttina upp í 13 m/sek, Sólglottar og okkurt ælið. Hitin fer upp í 4 stig páskadag. Um náttina niður um frostmarkið. 

Annan páskadag framvegis norðan, upp í 13 m/sek. Men so líðandi minkar vindurin niður í 2-7 m/sek.

Annan páskadag verður sum frá líður eftir nøkur kavaæl turt og sólglottar fáa vit eisini, sambært DMI. Hitin annan páskdag fer upp í 5 stig.Týsnáttina fer hann niður móti frostmarkinum.   

Og týsnáttina endar høgættin, tí tá verður sunnan og landssynningur og eitt sindur lýggjari.