Skjóta Streymoyarmegin seinnapartin

Skjóta Streymoyarmegin seinnapartin
Fyrsta skotið Streymoyarmegin í Eysturoyartunlinum verður latið av kl.13.30 á Hvítanesi.
Fyrsta skotið Streymoyarmegin verður latið av seinnapartin
 
27.04.2017 - 09:14

Annika Olsen, borgarstjóri í Tórshavnar kommunu, skjýtur fyrsta skotið.

Annika Olsen og Henrik Old, landsstýrismaður, halda røður, og øll eru vælkomin, sigur P/f Eysturoyar- og Sandoyartunlar.

Bussur fer frá bilplássinum við Hotel Tórshavn í Tórsgøtu í Havn kl.13.00.

Eftir skotið fer bussurin til Dugna, har ein drekkamuður verður at fáa og oman aftur í býin, tá tiltakið er liðugt.

Eysturoyartunnilin verður 11,3 km. langur. Mánadagin, 24.apríl, vórðu sprongdir 210 metrar, síðani fyrsta skotið varð skotið á Strondum 21.februar.

Eysturoyartunnilin skal vera liðugur í 2020. Tórshavnar kommuna ætlar at brúka grót úr tunlinum til havnarlagið á Sundi, sigur Bogi Andreasen, formaður í Vinnunevndini hjá Tórshavnar kommunu.

Hann sigur, at ætlanin er at flyta útfyllingina eystureftir fyri at varðveita Sundsá og ósan á Sundi. Grønur geiri verður gjørdur millum verandi havnarlag og útfyllingina, og farleið verður gjørd millum gomlu og nýggju havnina.

Eftir ætlan verður fyrsta grótið flutt á Sund í september í ár. Tá verður farið undir at fylla út eystanfyri Sundsá og ósan.

Havnarlagið á Sundi verður millum 40.000 og 50.000 fermetrar størri, tá arbeiðið er liðugt í 2020.

Er kopiera
Nýggjastu sendingar í ÚV
Sunnudag 16. februar
Bolero - Bartok, Hindemith og Rota
187832
Sunnudag 16. februar
Guðstænasta úr Havnar kirkju
187830
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Nýggjastu sendingar í SV
Sunnudag 16. februar
Guðstænasta úr Havnar kirkju
187829
Leygardag 15. februar
Hondbóltur: H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762
Fríggjadag 14. februar
Veðrið
187798
Mikudag 12. februar
Merkja grind
187663