Nógv ætla á val flaggdagin 2018

Stórur áhugin er fyri fólkaatkvøðuni um eina føroyskan stjórnarskipan, sum verður flaggdagin næsta ár. Níggju av tíggju veljarunum ætla sær á val.

Tað vísir ein nýggj veljarakanning, sum Gallup Føroyar hevur gjørt fyri Tjóðveldi á Fólkatingi.

534 tilvildarligir veljarar vórðu spurdir, og 89 prosent av teimum siga seg ætla at fara á atkvøða um stjórnarskipanina. 

Kanningin vísir eisini, at ein stórur meiriluti av veljarunum, 57 prosent, halda, at tað er týdningarmikið, at Føroyar fáa egna stjórnarskipan. 25 prosent av veljarunum halda ikki, at tað er týdningarmikið, at Føroyar fáa egna stjórnar skipan, meðan 19 prosent hava ikki tikið støðu.