Bretski fiskimálaráðharrin vitjar Føroyar

Sum “Secretary of State for Environment, Food and Rural Affairs” verður Michael Gove á almennari verkavitjan í Føroyum í døgunum 31. juli og 1. august 2017.

Fyrst á skránni týsmorgunin er kurteisisfundur við løgmann og síðani fundur við uttanríkis- og vinnumálaráðharran.

Á middegi týsdagin verður siglt við uppsjóvarskipinum Høgabergi av Havnini á Miðvág, har fundur verður umborð við Høgna Hoydal, fiskimálaráðharra.