Fíggingin av forskúlum er ógreið

Reglurnar um fíggingina hjá forskúlum í frískúlum eru ikki nóg greiðar.

Tað sigur Bill Justinussen, løgtingsmaður, sum spyr Rigmor Dam, landsstýriskvinnu, um hon ætlar at gera nýggjar og greiðari reglur.

Tað almennna, t.e. land og kommunur, fíggjar ein part av frískúlunum. Hin partin rinda foreldrini.

Bill Justinussen sigur, at tað er ikki greitt, hvussu forskúlar hjá frískúlum verða fíggjaðir.

Lógin og viðmerkingarnar um lógina eru ikki nóg nágreiniligar hesum víðvíkjandi.  

Tí spyr Bill Justinussen Rigmor Dam, um hon ætlar at fáa hetta í rættlag. 

Hann spyr eisini, hvussu nógv land og kommunur lata til forskúlar hjá frískúlum.