Kavbátaeigari skuldsettur fyri dráp

Kavbátaeigari skuldsettur fyri dráp
Fyrrapartin skal Peter Madsen, sum hevur bygt kavbátin, í grundlógaravhoyring
 
12.08.2017 - 10:07

Eigarin á kavbátinum Nautilus, sum leitað varð eftir í gjár, er nú skuldsettur fyri dráp.

Fyrrapartin skal hann í grundlógaravhoyring, skuldsettur fyri at hava dripið eina 30 ára gamla svenska kvinnu.

Viðurskiftini viðvíkjandi kavbátinum eru rættiliga løgin. Tað, sum miðlarnir í Danmark vita, so sigldi kavbáturin frá Refshaleøen í Keypmannahavn um sjey-tíðina hóskvøldið. Umborð vóru 46 ára gamli Peter Madsen, sum hevur bygt og eigur kavbátin, og 30 ára gamla kvinnan, sum er tíðindakvinna og sum skuldi skriva eina grein um kavbátin.

Men tá kvinnan ikki er komin aftur klokkan hálvgum trý um náttina, gerst unnusti hennara ørkymlaður og boðar myndugleikunum frá. Og so fer ein stór leiting í gongd, har bæði herur og løgregla eru uppií. 

Um hálvgum 11 tíðina í gjáamorgun sæst kavbáturin í Køge Bugt. 

Herurin fær radiosamband við Peter Madsen, skipara á kavbátinum, sum sigur at hann hevur tekniskar trupulleikar og skal royna at sigla kavbátin í havn. Hálvan tíma seinni fer Peter Madsen umborð á ein privatan skjóttgangandi bát og løtu seinni søkkur Nautilus á sjey metra dýpi.

Seinni í gjár boðaði politiið í Keypmannahavn frá, at Peter Madsen er skuldsettur fyri dráp.

Sjálvur noktar hann seg sekan. Hann sigur, at hann setti kvinnuna av við endan á Refshaleøen um hálvgum ellivu tíðina hóskvøldið. Men ongin hevur sæð svensku kvinnuna, síðan hon um sjey-tíðina fór umborð á kavbátin.

Í dag skal Peter Madsen so í grundlógaravhoyring. 

Skip eru hjá kavbátinum, har tey fara at royna at taka hann uppaftur ella stabilisera hann so mikið nógv, at kavarar kunnu sleppa inn í hann.

Kavbáturin Nautilus er ein av heimsins størstu heimabygdu kavbátum. Peter Madsen hevur sjálvur sniðgivið og bygt hann saman við øðrum. Peter Madsen hevur eisini gjørt rakettir.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565