Fyrsti fundur um samráðingar um eina viku

Mánadagin í næstu viku verður fyrsti fundurin í samráðingunum millum Lønardeildina og fakfeløgini, sum hava limir á almenna arbeiðsmarknaðinum.

Lønardeildin hevur sáttmálar við 29 fakfeløg og fleiri sáttmálar enn ein við nøkur teirra.

Sáttmálarnir fara úr gildi 1.oktober.

Jan Mortensen, stjóri í Lønardeildini í Fíggjarmálaráðnum, sigur, at fundir verða fyrst við størstu fakfeløgini.

Tey eru, umframt Starvsmannafelagið, Pedagogfelagið, Lærarafelagið, Akademikarafelagið og felagið hjá sjúkrarøktarfrøðingum.

Partarnir hava ikki enn latið hvørjum krøvini um nýggjan sáttmála.