Skeljastríð millum Føroya og Noregs

Skeljastríð millum Føroya og Noregs
Fiskimálaráðið biðið um at taka fiskiloyvi aftur, men tað vil tað ikki
Hørpuskel
 
04.10.2017 - 09:32

Stríð er millum norska fiskimálaráðið og tað føroyska um hørpuskel við Svalbard. 

Tað skrivar FiskeribladetFiskaren.

Føroyska fiskimálaráðið gav í februar einum skipi loyvi til at dreggja eftir hørpuskel við Svalbard.

Tað fekk norska fiskimálaráðið at heita á Fiskimálaráðið í Havn um at taka hetta loyvið aftur.  

Kortanei sigur Fiskimálaráðið

Men tað vilja tey ikki í Fiskimálaráðnum, tí fiskiloyvið er latið sambært galdandi reglum.

Tað er í lagi bæði sambært føroyskum og norskum forskriftum, sigur Fiskimálaráðið. 

Fiskimálaráðið boðaði frá í Noregi tann 21.februar at fiskiloyvið varð latið. Norska fiskimálaráðið váttaði dagin eftir, at tað hevði fingið fráboðanina úr Føroyum.

Men norskir myndugleikar siga, at ongar reglur eru um skeljadregging við Svalbard.

Norsk skip sleppa ikki at dreggja har, tí eingin veit, hvussu dreggingin fer við havbotninum.
 

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592