Mugabe ikki vælvildarsendimaður kortini

93 ára gamli forsetin í Zimbabwe fekk heiðurin fyri tiltøk at basa sjúkum, ið ikki smitta.  

Men eftir hart trýst frá altjóða samfelagnum, hevur WHO nú kunngjørt, at Mugabe ikki verður vælvildarsendimaður kortini.

Á heimasíðuni hjá WHO skrivar aðalstjórin Tedros Adhanom Ghebreyesus, at hann seinastu dagarnar hevur umhugsað avgerðina og nú er komin til, at hon verður tikin aftur.

Fríggjadagin grundgav aðalstjórin avgerðina við, at Mugabe kundi brúka leiklutin til at ávirka sínar líkar har um leiðir.

Heimsins kosnu hava øtast, at ST-stovnur hevur tillutað stjórnarleiðara, hvørs embætisrakstur verður settur í samband við brot á mannarættindi og valsvik, slíka heiðursstøðu. 

Amerikanska uttanríksráðið hevur í fráboðan sagt seg vera vónsvikið av, at Mugabe hevur fingið heiðurin.

Harumframt hava 25 felagsskapir í felags tíðindaskrivi boðað frá, at tilnevningin er burtur úr vón og viti.