Pedagogar ikki somu løn sum sjúkrarøktarfrøðingar

Fíggjarmálaráðið heldur seg til lønarkarmin í sáttmálanum, sum varð gjørdur við Starvsmannafelagið í samráðingunum við Pedagogfelagið, og hevur ikki ætlanir um at geva námsfrøðingunum ella øðrum fakbólkum somu lønarhækking, sum sjúkrarøktarfrøðingarnir hava fingið. 

Tað sigur Jan Mortensen, stjóri á Lønardeildini í Fíggjarmálaráðnum. 

Hann vísir á, at fáa fleiri fakfeløg somu lønarhækking, fara lønarútreiðslurnar hjá landinum at vaksa út um mark. Fíggjarmálaráðið noyðist at halda seg til ein fíggjarkarm, sum er ráðiligur fíggjarliga, sigur Jan Mortensen.