Pedagogfelagið suspenderar verkfall

Boðini vórðu send Fíggjarmálaráðnum í dag og álitisfólkum hjá felagnum. Verkbannið, sum kommunurnar hava sett í verk fyri pedagogar á kommunalum stovnum, stendur við. 

Pedagogfelagið skrivar soleiðis"

"Nú jólini eru í hond hevur nevndin avgjørt, at verkfallið, sum byrjaði hin 12. desember, á stovnum undir landsstýrinum fyribils verður suspenderað frá 22. desember kl. 23.00 at rokna til mikudagin 27. desember kl. 07.00 at rokna."

Góðtikið

Sambært Jógvani Philbrow, so verður hetta stig tikið, tí tað er jól og tí m.a.er um bústovnar tvs. heimið hjá fleiri og tey skulu sleppa at halda jól heima hjá sær sjálvum. Hann avvísir, at hetta stigið er tikið fyri at spara felagnum lønarútreiðslur. 

Lønardeildin hjá Fíggjarmálaráðnum hevur móttikið og góðtikið vápnahvíldina tvørturum jólini í lønartrætuni við Pedagogfelagið.