Anders vónar enn, at avtalan verður broytt

Danska Uttanríkisráðið vónar framvegis at fáa avtaluna, sum Føroyar og Grønland gjørdu við Ísland 31.august í fjør, "i overensstemmelse med de gældende retlige rammer", sum Anders Samuelsen, uttanríkisráðharri, sigur í svarinum til Grønlandsnevndina hjá fólkatinginum.

Uttanríkisráðið gjørdi eina roynd í november, men avtalan varð ikki broytt.

Tí skrivaði Uttanríkisráðið til íslendska Uttanríkisráðið og ógildaði avtaluna, tí hon er ikki í samsvari við heimildirnar hjá landsstýrinum í Føroyum og Grønlandi.