Væl lønt sendifólk hjá Føroyum

Væl lønt sendifólk hjá Føroyum
Upp í 55.000 kr. netto um mánaðin. Nøkur størv verða lýst leys
Føroyar hava fimm sendistovur í øðrum londum.
 
22.01.2018 - 12:47

Tað er væl lønt starv at vera føroyskt sendifólk.

Í fjør fekk sendimaðurin í Moskva 55.000 kr. um mánaðin, sendimenninir í Reykjavík og London fingu 54.000 kr. og sendikvinna í Brússel fekk 44.000 kr. Og tað er netto mánaðarløn og útiviðbót, sum er skattafrí.

Sendimaðurin í Keypmannahavn, sum arbeiðir í uttanríkistænastuni í Føroyum, fekk 41.000 kr. netto í 2016. 

Hetta sæst í svari frá Poul Michelsen, landsstýrismanni, til Kára P. Højgaard, løgtingsmann. 

Faklig krøv

Somu fakligu førleikakrøv, sum vanliga verða sett fulltrúum í miðfyrisitingini, verða sett sendifólki, verður upplýst í svarinum.

Onnur krøv verða eisini sett teimum, sum gerast sendifólk.

Millum annað skulu tey hava drúgvar royndir við at samskifta við myndugleikar heima sum úti, og tey skulu vera álitisvekjandi og hava góð samstarvsevni og leiðsluroyndir. 

Í summum førum verða størvini lýst leys. Í øðrum førum eru sendifólk útsend úr uttanríkistænastuni.

Endamálið við flytingum millum heimatænastu og sendistovur er at tryggja, at sendifólkini hava dygga og dagførda vitan um uttanríkispolitisku áhugamál Føroya.

Harumframt hevur tað týdning fyri uttanríkistænastuna at fáa sendifólk heimaftur at arbeiða við tí vitan og teimum royndum, sum tey hava fingið í sendistovunum, stendur í svarinum. 


 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470