Leirvíkstunnilin stongdur fram til 31. mars

Bilar sleppa í gjøgnum tunnilin hvønn heilan tíma, og bilar í neyðsynjarørindum sleppa altíð í gjøgnum tunnilin, skrivar Landsverk á heimasíðu síni.

Tunnilin er stongdur, tí landsverk skal skróta, tað er at loysa leyst grót úr bergholsvegginum. 

Í 2006 vórðu 700 metrar skrótaðir, í 2011 vóru 800 metrar skrótaðir og nú verða so teir seinastu 800 metrar skrótaðir.

Men ætlar tú tær so eftir gamla Leirvíksvegnum, so ber tað heldur ikki til, tí Eysturkommuna boðar frá, at Leirvíksvegurin er stongdur fyri ferðslu,  tí at vegurin ikki er nóg tryggur til nógvu ferðsluna.

So tað er at brynja seg við toli, tí bilar sleppa í gjøgnum Leirvíkstunnilin hvønn heilan tíma til arbeiðið í tunlinum er liðugt 31. mars.