Íslendska lodnukvotan óbroytt eftir kanningarferð

Íslendska lodnukvotan verður ikki hækkað, eftir at íslendski havrannsóknarstovnurin kannaði lodnuna norðan fyri landið í februar.

Fyrst í februar varð kvotan, sum varð ásett í oktober í fjør, hækkað 77.000 tons, upp í 285.000 tons.  

Føroyinar kunna fiska fimm prosent av íslendsku lodnukvotuni. Hámarkið er tó nú 25.000 tons í staðin fyri 30.000 tons, sum tað var. 

Føroyska lodnukvotan er 14.250 tons til síðst í apríl í ár.  

20.februar høvdu føroysk skip fiskað 8.418 tons av lodnu í íslendskum sjógvi.