Kavakríggj sum ítróttagrein í OL

Í Japan eitur kavakríggj "Yukigassen", og Japan hevur ítróttarsamband fyri kavakríggj, ið eitur Japan Yukigassen Federation - JYF.

Síðani 1993 hevur JYF skipað fyri árligum meistaraskapi, og nógvir áskoðarar eru til kappingarnar.

Yukigassen er, at tvey lið kasta so nógv kavabløk, sum til ber eftir hvørjum øðrum í tríggjar minuttir. Liðið, sum kastar flest, ella klárar at taka flaggið hjá hinum liðnum, hevur vunnið.

Tað er tó ivasamt, um kavakríggj verður góðtikið sum ítróttargrein.

Fyrst skal JYF sannføra altjóða olympisku nevndina, IOC, um, at menn í í minsta lagi 75 londum í 4 heimspørtum, og kvinnur í í minsta lagi 40 londum í 3 heimspørtum íðka yukigassin ella kavakríggj.

Hvør veit. Kanska fær ÍSF skjótt fyrispurning um kavakríggj sum ítróttagrein.