Puigdemont stillar ikki upp til forsetavalið

- Tú kanst ikki verða forseti í Katalona, tá tú situr í Brússel - meira enn 1.000 km burturfrá.

Tað viðgekk Carles Puigdemont, fyrrverandi forseti í Katalonia, í gjárkvøldið, - og at hann tí hevur tikið seg aftur sum forsetavalevni.

Ósemja í rørsluni

Loysingarrørslan er farin í tvíningar, eftir at stjórnin í Madrid tók sjálv-avgerðarrættin frá Katalonia. 

Annar vongurin í loysingarrørsluni vil fyrst og fremst taka valdið aftur frá stjórnini í Madrid við forseta og ráðharrum, sum kunnu stjórna. Men við ongum forsta, fær Katalonia ikki sjálvstýrið aftur. 

Hin vongurin stríðist fyri Puigdemont og rættinum hjá honum at virka sum forseti hóast tað hevði verið í útlegd - gjøgnum Skype úr Brússel, skrivar dr.dk.

Í útlegd

Spanski grundlógardómstólurin avgjørdi í januar, at Puigdemont ikki kann gerast forseti, um hann ikki er til staðar sjálvur.

Puigdemont flýddi saman við fleiri av ráðharunum til Belgia í fjør, tá hann saman við stjórnini í Katalonia varð koyrdur frá. Orsøkin var, at loysingarrørslan í heyst skipað fyri fólkaatkvøðu um loysnig.

Nú Puigdemont tekur seg aftur sum valevni, vísur hann í staðin á Jordi Sanchez, - hann situr varðhaldsfongslaður í Madrid. Hann kann tó veljast sum forseti, tí hann er ikki dømdur enn og er í Spania.