Miðnámsskúlin á Kambsdali útbyggjast

Løgtingið fer í morgin at viðgera eitt uppskot frá Rigmor Dam, landsstýriskvinnu, um at fáa heimild at fara undir triðja byggistig at umbyggja og útbyggja miðnámsskúlan á Kambsdali fyri í mesta lagi 30 milliónir krónur.

Triðja byggistig umfatar nýggj høli til náttúruvísindaliga økið, at útbyggja felagsøkið, køkin, undirvísingarhøli, projektering og innbúgv, og at gera seinastu útbygging lidna.

Ætlanin er at játta 5 milliónir krónur í ár, 8 milliónir næsta ár, 3,5 milliónir í 2020 og 13,5 milliónir í 2021.