Meslingaútbrot í Keypmannahavn

Trý fólk hava innan fyri stutta tíð havt meslingaeyðkenni í Keypmannahavn. Statens Serum Institut sigur í tíðindaskrivi, at hendingarnar verða mettar at vera partur av einum útbroti.

Fyrsti tilburðurin av meslingum varð staðfestur á einum seks mánaðar gomlum smábarni í Keypmannahavn. 

Statens Serum Institut kannaði hendingina og fann fram til tvey onnur fólk, ið eisini høvdu sjúkueyðkenni. 

Her var talan um ein eldri mann, sum hevði fingið MFR-koppsetingina, og enn eitt smábarn sum vegna ungum aldri ikki varð blivið koppsett. Báðir sjúklingar eru tó frískir aftur. 

Barnið, sum er fimm mánaðar gamalt, hevði sitið í einum bíðirúmi á einum sjúkrahúsi við øðrum sjúklignum - harímillum øðrum børnum, stendur at lesa í tíðindaskrivinum. 

Enn er óvist, hvussu sjúklingarnir vórðu smittaðir. 

Øll trý høvdu meslingasjúkuna um sama mundið, og tað er tí væntandi, at tey vórðu smittað samstundis. 

Fyri nøkrum fáum døgum síðani bað Ráðið fyri sjúklingatrygd foreldur um at halda eyga við børnum sínum, tí meslingasjúkan er ein sera smittandi sjúka.