- Tíðindi, mentan og ítróttur
Møguliga eingin Nobelvirðisløn í ár
![](https://kvf.fo/sites/default/files/styles/grein-ovasta-mynd/public/9a4f69f839a8623b79d37eb6a460a29f.png?itok=BpIPXs_o)
Tað sigur SVT.
Anders Olsson, skrivari hjá Akademiinum, sigur við SVT, at spurningurin verður viðgjørdur nú, og at niðurstøðan verður kunngjørd í næstum.
Skuldsetingar hava verið um, at Nobelnevndin ger kynjamismun - tað vil, sambært Sprotanum, siga, at menn lítilsmeta konufólk og meta tær sum eina vøru ella sum seksualobjekt.
Nevndin verður eisini skuldsett fyri valdsmisnýtslu og ikki at vera óheft.
Útseta handanina
Sambært upplýsingum, eru persónar í Nobel-nevndini og Svenska Akademiinum sum halda, at virðislønin ikki eigur at verða handað í ár.
Ein kelda innan svenska Akademiið sigur, at møguliga verða tvær Nobel-virðslønir ístaðin næsta ár, - fyri hetta og næsta ár.
Peter Englund, fyrrverandi skrivari, sum fór úr starvi á Akademiinum sigur, at tað ber til at útseta handanina eitt ár.
Nevndin til hús
Sambært kelduni í Svenska Akademiinum, átti nevndin at lagt frá sær.
Hinvegin sigur limurin í akademiinum, Gøran Malmqvist, at arbeiðið við Nobelvirðislønini heldur fram, hóast spurningurin um onga virðisløn í ár verður viðgjørdur.
Malmqvist leggur dent á, at svenska Akademiið ongantíð hevur steðgað eini virðisløn, og hví skal tað so henda nú, skrivar SVT.