Kringvarpið vísir Blank

03.05.2018 - 15:38
Mentan
Kringvarpið vísir Blank
Um tú ikki longu hevur sæð vælumtóktu, nýggju norsku ungdómsrøðina, so fært tú enn ein møguleika nú. Mánadagin byrjar Blank í sjónvarpinum
Mynd: NRK  
 

Enn eina ferð er tað NRK, sum hevur gjørt ungdómstilfar, ið riggar.

Blank er nýggi ungdómssatsurin hjá norska kringvarpinum, og hevur sendingin longu fingið sera góð ummæli.

Tá tosað verður um ungdómssendingar, er tað ógjørligt ikki at nevna SKAM, sum skjótt gjørdist eitt ungdómsfenomen, ið tók verðina á bóli. Fleiri eru tey nokk eisini, sum høvdu væntað og vónað, at Blank fortaldi meira um lívið hjá Nooru, Evu ella Vilde eftir miðnám. Men soleiðis er ikki.

19 ára gamla Ella býr saman við vinkonu sínu, Susanne, í Oslo í Norra. Tær eru lidnar við miðnámsskúlan, og nú tekur Ella eitt ár, har hon arbeiðir og roynir at gerast klókari upp á, hvat hon skal við sínum lívi. 

ella_blank.png

Caption: 
Ella er 19 ára gomul og býr við vinkonu síni í Oslo.

Blank er ein sending men eisini eitt univers, og hetta tykist vera uppskriftin hjá NRK at fanga ungdómin.

Eins og við SKAM verða smá brot løgd út á heimasíðuna, sum so verða samlað til eina longri sending eina ferð um vikuna. Harafturat hava allir leikarar í Blank egnan vanga á sosiala miðlinum Instagram. Har kunnu brúkarar fylgja teimum ymsu persónunum í sendingini og fáa innlit í lív teirra - eisini tað, sum ikki verður víst í filmsbrotunum. 

Nú verður møguligt at fylgja við í sendingini í Kringvarpinum. Blank verður at síggja í sjónvarpinum og á heimasíðu okkara.

Vit senda fyrsta partin mánadagin 7. mai klokkan 19.50.

Er kopiera
Nýggjastu sendingar í ÚV
Mánadag 29. november
Við Tórði á túri á Ískaiini í Havn
131976
Mánadag 29. november
Nón - 29. november 2021
131974
Mánadag 29. november
Norðurljóð 29.november 2021
131867
Mánadag 29. november
Hvønn veg skulu vit fara?
131959
Mánadag 29. november
Vit ovurnýta ein, eina og eitt
131951
Nýggjastu sendingar í SV
Mánadag 29. november
Dokumentarurin: Kongoránið
131988
Mánadag 29. november
3-2
131987
Mánadag 29. november
VIDEO: Ræst kjøt á ein øðrvísi hátt
131492
Sunnudag 28. november
Andaktin
131936