Seks nýggjar umsóknir

Líkt er nú til at Tórshavnar kommuna fær nýggjan tekniskan stjóra.

Hetta er triðju ferð, at kommunan søkir eftir tekniskum stjóra. Hinar báðar ferðirnar vóru eisini umsøkjarar, men kommunan metti ikki, at nakar av teimum var skikkaður til starvið.

Tí var søkt fyri triðju ferð, og tilsamans hava 17 fólk søkt starvið.

Ein setanarnevnd tekur sær av at seta starvið, og nú verður farið undir tiltgongdina at seta starvið sum tekniskur stjóri.

Tað fer at taka nakað av tíð, og Bjørgfríð Ludvig roknar ikki við, at starvið verður klárt at leggja fyri býráðið fyrr enn á býráðsfundinum, sum verður 20. juni.

Mikael Viderø var tekniskur stjóri í Tórshavnar kommunu frá í februar í 2015 til í november í fjør, tá hann fór úr starvinum.

Partarnir vóru ikki samdir um, hvussu tekniska økið hjá kommununi skuldi rekast, og tí fór Mikael Viderø úr starvinum.

Hann fekk tíggju mánaða fráfaringarløn, tá er feria tald við, upplýsti kommunustjórin tá.